ANNOTATSIYAKalit so‘zlar: Alisher Navoiy, tazkira, Sharq adabiyoti, Majolis un-nafois, adabiy meros, shoirlar hayoti, biografik janr, manbashunoslik, estetik qarashlar, adabiy an’ana.Ushbu maqolada Alisher Navoiyning Sharq tazkirachilik an’anasidagi o‘rni, uning adabiy-tarixiy qarashlari hamda tazkira janrining rivojlanishiga qo‘shgan hissasi yoritiladi. Navoiy ijodida tazkira nafaqat adabiy shaxslar hayotini bayon etuvchi manba, balki ma’naviy-axloqiy qadriyatlarni targ‘ib qiluvchi muhim adabiy janr sifatida tahlil qilinadi. Xususan, uning “Majolis un-nafois” asari Sharq tazkirachiligi tarixida ilk mukammal adabiy tazkira sifatida baholanib, unda shoirlar hayoti, ijodi va badiiy-estetik qarashlari tizimli yoritilganligi ko‘rsatiladi.