Ushbu ilmiy ish qishloq xo‘jaligi ekinlariga zarar yetkazuvchi hasharotlarga qarshi kurashishda kimyoviy vositalarning roli va ularning qo‘llanilishiga bag‘ishlangan. Pestitsidlarning turlari, ta’sir mexanizmlari, qo‘llanish usullari hamda ularning samaradorligi tahlil qilinadi. Kimyoviy vositalardan foydalanishda ekologik xavfsizlik, me’yor va standartlarga rioya qilish, foydali entomofaunani saqlab qolish masalalariga alohida e’tibor qaratilgan. Kimyoviy kurash usullarining afzalliklari bilan bir qatorda ularning salbiy oqibatlari ham o‘rganilib, ularni xavfsiz va samarali qo‘llash bo‘yicha tavsiyalar ishlab chiqilgan.