Маъмурий назорат давлат бошқаруви шакли сифатида: тушунчаси ва функциялари. Маъмурий назорат тадбирларини процессуал расмийлаштириш. Маъмурий назорат кўринишлари. Ижро хокимияти органлари томонидан бевосита амалга ошириладиган назорат уларнинг ижро-идора қилиш фаолиятининг таркибий қисмидир. У умумий, ички идоравий ва идора усти назорати таснифланади. Умумий назорат умумий ваколатли органлар-Хукумат, хокимиятлар томонидан амалга оширилади. Ички идоравий назорат барча бошқарув органлари – умумий, сохавий, ва махсус ваколатли органлар томонидан молия-хўжалик фаолияти устидантафтиш ва текширувлар усуллари билан амалга оширилади. Бундай назоратни амалга ошириш учун хукумат томонидан тасдиқланган қонун ҳужжатлари, вазирлик ва давлат қўмиталари тўғрисидаги низомлар, бошқа меъёрий ҳужжатлар асос бўлиб хизмат қилади. Ички идоравий назорат конкрет давлат бошқаруви органи олдига қўйиладиган вазифалар билан боғлиқ.