Foydalanuvchi funksiyalari dasturchiga murakkab dasturni soddaroq bo’laklarga bo’lish hamda har bir bo’lakni bir-biridan ajralgan holda tuzish imkoniyatini beradi. Standart Template Library(qisqacha, STL) - standart andozalar kutubxonasi bo’lib, u konteynerlar, iteratorlar va algoritmlarni o’z ichiga oladi. Konteynerlar – bir xil turdagi qiymatlarni o’zida saqlaydigan maxsus tuzilma bo’lib, o’zida saqlayotgan qiymatlar ustida o’ziga xos amallar bajarish, tayyor algoritmlardan foydalanish imkoniyatini beradi.