Bu bir necha konturli va bir necha elektr energiyasi manbaiga ega bo‘lgan murakkab elektr zanjirlarini hisoblashning keng tarqalgan usulidir. Kontur toklari usuli usul asosida Kirxgof qonunlari va ikkita faraz yotadi: har bir konturda bir-biriga bog‘liq bo‘lmagan kontur toklari deb ataladigan hisoblash toklari oqadi, har bir tarmoqning toki esa shu tarmoq orqali oqib o‘tuvchi kontur toklarining algebraik yig‘indisiga teng. Ushbu farazlar qo‘llanilganida, sxemani hisoblash uchun faqat Kirxgofning ikkinchi qonuni bo‘yicha kontur toklari uchun tenglamalar tuzish yetarli, chunki kontur toklari uchun birinchi qonun qabul qilingan farazlar sababidan bajariladi (kontur toki tarmoqlarining birida tugunga kiruvchi, boshqa tarmoqda esa shu tugundan chiquvchi bo‘ladi). Natijada, Kirxgof qonunlarini bevosita qo‘llanilganda hosil qilinadigan v ta tenglama o‘rniga v – (u –1) ta tenglama tuzish etarli bo‘ladi. Bu hol hisoblashni ancha soddalashtiradi. Kontur toklari usuli bo‘yicha hisoblash uchun murakkab zanjir sxemasi eng qisqa yo‘llar bo‘yicha alohida mustaqil konturlarga – yacheykalarga (I,II,III) bo‘lib chiqiladi.