Yuksak darajada taraqqiy etgan hozirgi zamonda transportsiz rivojlangan jamiyat asosini yaratib bo`lmaydi. Transport har qanday ishlab chiqaruvchi kuchlarning ajralmas tarkibiy qismi bo`lib hisoblanadi. Xalq xo`jaligi va qishloq xo`jaliklarida yuklarni tashishda avtomobil transportining roli beqiyosdir. Transport mehnat resurslaridan oqilona foydalanishda, davlat mudofaa qudratini oshirishda katta ahamiyat kasb etadi. O`zbekiston Respublikasi davlat mustaqilligini qo`lga kiritgandan so`ng mamlakatimizda ko`p sohalarda islohatlar amalga oshirilmoqda. Ularning natijasida iqtisodiyotimizda sifat o`zgarishlari ro`y berib, buning natijasida esa mamlakatimizni ijtimoiy-iqtisodiy rivojlantirish, iqtisodiyotni erkinlashtirish va islohotlarni chuqurlashtirish jarayonlari amalga oshirilib kelinmoqda.