Kasb odobi jamiyat tomonidan qabul qilingan axloq qoidalarini kishilarning ixtisosliklariga nisbatan tatbiq qiladigan kasbiy burch, sha’n, or-nomus, qadr-qimmat kabi xatti-harakatlarning majmui, umumiy axloqning kishilar kasb-koridagi o‘ziga xos ko‘rinishi. Odob jamiyatda e’tirof etilgan xulq normasi bo‘lib, shaxs ma’naviy hayotining tashqi jihatini ifodalaydi va o‘z turmushi, bo‘sh vaqti, tashqi qiyofasi va munosabatlarda namoyon bo‘ladi.