O‘zbekiston Respublikasining mustaqilligi sharofati bilan barcha sohalarda har tomonlama yuksalish yuz berayotgani, tub ijtimoiy–siyosiy va ma'naviy o‘zgarishlar, umuminsoniy qadriyatlar tizimida yangilanish, insonning barcha shaxsiy ehtiyojlari, talablari va manfaatlari birinchi o‘ringa ko‘tarilyotgani, ayniqsa o‘sib kelayotgan yosh avlodning ma'naviy–ahloqiy va jismoniy imkoniyatlari yanada oshayotgani bugungi kunda sir emas. Uni tarkib toptirish uchun oila, maktabgacha muassasalar, maktab, mahalla, sog‘liqni saqlash, jismoniy tarbiya va sport tizimlarining xodimlari butun kuch–quvvatini, g‘ayratini ishga solib bolaning ongiga yoshlikdan jismoniy tarbiyaga bo‘lgan muhabbatni singdirib borishlari darkor.