KIRISHHozirgi globallashuv va urbanizatsiya sharoitida suv resurslari insoniyat hayoti va iqtisodiy rivojlanishining eng muhim omillaridan biri hisoblanadi. Ayniqsa, shahar hududlarida suv resurslarining holati ekologik, ijtimoiy va iqtisodiy jihatdan alohida ahamiyat kasb etadi. Aholi sonining tez sur’atlar bilan ortishi, sanoat korxonalarining ko‘payishi, transport tizimining rivojlanishi hamda maishiy ehtiyojlarning kengayishi natijasida suv resurslariga bo‘lgan talab yildan-yilga oshib bormoqda. Bu esa mavjud suv manbalarining kamayishiga, ularning ifloslanishiga va sifatining pasayishiga olib kelmoqda.