Mavzu:Yevrosiyo tektonik xaritasini ishlash Reja:1. Kembriydan oldingi burmalanish oblastlari2. Baykal burmalanish oblastlari3. Paleozoy burmalanish oblastlari.Yevrosiyoning geologik tuzilishida barcha geologik davrlarda – kembriydan oldingi davrdan boshlab to’rtlamchi davrgacha paydo bo’lgan metamorfik, otqindi va cho’kindi tog’ jinslari ishtirok etadi. Bu tog’ jinslari materik hududida g’oyat xilma-xil bo’lib, ular tektonik harakatlar natijasida bir necha marta o’zgarishlarga duch kelgan murakkab geologik hodisalarni o’zida aks ettiradi. Yevrosiyoning hozirgi mavjud bo’lgan geologik strukturasining shakllanishida Yer yuzidagi ma’lum barcha davr burmalanishlari ro’y bergan. Bu burmalanishlar natijasida materikning asosiy struktura birliklari platformalar, burmalangan tog’lar, geosinklinallar hamda xilma-xil tektonik shakllar vujudga kelgan.