IoT texnologiyasining mazmuni va asosiy xususiyatlariIoT — bu turli jismoniy qurilmalar, sensorlar, mashinalar va texnik vositalarning internet tarmog‘i orqali o‘zaro bog‘lanib, ma’lumot almashish tizimidir. Ushbu qurilmalar ishlab chiqarish jarayonida yuz berayotgan holatlarni real vaqt rejimida qayd etadi va markaziy tizimga uzatadi. Natijada to‘plangan ma’lumotlar tahlil qilinib, boshqaruv qarorlari qabul qilinadi. IoT texnologiyasi iqtisodiy jarayonlarda aniqlik, tezkorlik va shaffoflikni ta’minlaydi.