Jismoniy madaniyat nazariyasi va metodikasi fani jismoniy tarbiya va sport sohasida mutaxassislarni tayyorlash uchun mo‘ljallangan. Fan jismoniy madaniyatning asosiy tushunchalari, pedagogik tamoyillari, metodikasi va sport faoliyatining nazariy asoslarini o‘z ichiga oladi. U jismoniy madaniyat sohasida kasbiy bilimlar, ko‘nikma va malakalarni rivojlantirishga, shuningdek yangi pedagogik texnologiyalardan foydalanishga yo‘naltirilgan. Fan jismoniy tarbiya tizimi, sport mashg‘ulotlarini tashkil etish, jismoniy madaniyatning ijtimoiy va tarixiy ahamiyati, shuningdek, o‘quv muassasalarida sifatli ta’lim berish bo‘yicha amaliy ko‘nikmalarni shakllantiradi.