MySQL — eng mashhur va juda ko'p foydalaniladigan ma'lumotlar bazasini boshqarish tizimi (MBBT) bo‘lib, asosan kichik hajmdagi ma’lumotlar bilan tezkor ishlash uchun yaratilgan. Relyatsion ma'lumotlar bazasi orqali ma’lumotlar jadvallar va ustunlardan tashkil topgan holda saqlanadi. MySQL GPL va pullik litsenziyalarga ega, ko‘plab operatsion tizimlarda ishlay oladi va Oracle firmasi tomonidan ishlab chiqariladi. Ko‘p sonli dasturlash tillari bilan ishlash imkoniyatiga ega. MySQL ochiq manbali (Open-Source) bo‘lib, veb-ishlanmalarda, sayt va bloglarda keng qo‘llaniladi.