Abu Lays Samarqandiyning “Bahrul ulum” asari islom tafsir ilmi doirasida yozilgan yirik ilmiy asar bo‘lib, unda Qur’on oyatlari, hadislar hamda turli rivoyatlardan, shu jumladan isroilot rivoyatlaridan foydalangan holda tarixiy voqealar yoritiladi. Asarda mufassirning hayoti, ilmiy merosi, tafsirining ilmiy va diniy ahamiyati, manbashunoslik jihatlari va tarixiy voqealar tahlili mujassam. Ushbu asar X asrda Movarounnahr va Sharq mamlakatlarida mashhur tafsirlar qatoriga kiradi. Asar nafaqat diniy, balki ma’naviy va madaniy qadriyatlarimizning mustahkamlanishida ham muhim o‘rin tutadi.