Lokomotiv dizellarida qo’llaniladigan sovitgichlarDvigatelning ish tsikli davomida gazlarning o’rtacha harorati 800–900° S ni tashkil qiladi. Gaz issiqligining bir qismi dvigatel detallari (tsilindrlar, tsilindrlar kallagi, porshenlar, klapanlar va boshqalar) ga uzatiladi, shuning uchun ularning harorati ortib ketadi. Bu detallar butunlay sovitilmasa yoki etarlicha sovitilmasa, quyidagi sabablarga ko’ra dvigatelning normal ishlashi buzilishi mumkin: 1) moyning moylash xossasi yomonlashadi va buning natijasida ishqalanishga bo’lgan isrof ortadi, detallar eyilishi va moy sarfi ko’payadi; 2) ish aralashmasining ertaroq alanga olishi sodir bo’ladi va u detonatsiya bilan yonadi (karbyuratorli dvigatellarda); 3) quzg’aluvchan biriqmalardagi tirqish kichrayadi va harakatlanadigan detallarning qadalib ishlashi paydo bo’ladi.