"Yumshoq kuch" termini siyosatchi Jozef Nay tomonidan tashqi siyosat kontekstida ilgari surilgan tushuncha bo‘lib, davlatlarning qurollanishga emas, balki madaniyat, ta’lim, mafkura va xalqaro institutlar orqali ta’sir etish qobiliyatini anglatadi. Asarda yumshoq kuchning madaniy, mafkuraviy va institutsional ko‘rinishlari, AQSh va Xitoyning bu boradagi strategiyalari, ta’lim hamda xalqaro grantlar orqali amalga oshirilayotgan ta’sir usullari yoritilgan. Shuningdek, yumshoq kuchning qattiq kuchdan ustun tomonlari, ta’lim turizmi va davlatlararo investitsiyalar mavzusi ham muhokama qilinadi.