Көркөм чыгарма – искусствонун сөз өнөрү менен ишке ашуучу, дүйнөнү образдуу чагылдырууга негизделген түрү, коомдук аң-сезимдин бир формасы. Анын өсүшү, өзгөрүшү ошол коомдук турмуш менен тыгыз байланыштуу. Адабиятта ар түрдүү тектер, жанрлар турмушту чагылдыруунун өзгөчөлүктөрүнө ылайык аракеттенет. Ал адамдарды таанытуучулук, өстүрүп-өнүктүрүүчүлүк, эстетикалык жактан тарбиялап, ар түрдүү көркөм методдордо, көрүнүштөрдө ар кандай өзгөчөлүктөргө ээ болот.