Behi tarkibida juda koʼp pektin, oshlovchi moddalar va tosh hujayralar boʼladi. Mevasi tarkibida suv kam, dagʼal boʼladi. Uzoq saqlangandan keyin tosh hujayralar yumshab qoladi. Behidan xushboʼy murabbo, sukat, qiyom, marmelad, jem tayyorlanadi. Oʼzbekistonda yetishtirilgan behi tarkibida (yangi uzilganda) 8,5-15,2 % shakar, 0,4-1,0 % turli kislotalar, 0,4-0,7 % oshlovchi moddalar bor. Behi eng qadimiy oʼsimliklardan boʼlib, bizning mamlakatimizda keng tarqalgan. U buta yoki daraxt sifatida oʼsib, boʼyi 1,5 m dan 8 m gacha yetadi. Koʼp ildiz bachki chiqaradi. Novda va kurtaklari, barg bandi tuk bilan qoplangan. Guli koʼpincha yakka-yakka, oq yoki och pushti rangda, yirik boʼlib, shu yil oʼsib chiqqan kalta