Mushuksimonlar (Felidae) — yirtqich sut emizuvchilar turkumi oilasi bo‘lib, turli o‘lchamda, bosh yumaloq, dumi uzun, oyoqlari nisbatan uzun va barmoqlari bilan yuradi. Oldingi oyoqlarda 5 barmoq, orqa oyoqlarda 4 barmoq mavjud. Tirnoqlari yurish paytida oyog‘ining ichiga tortiladi, faqat gepardda tortilmaydi. Mushuksimonlar tunda faol bo‘lib, yirtqich tishlari rivojlangan. Junlari qisqa va rang-barang, 4 urug‘ga bo‘linadi va 36 turi mavjud bo‘lib, Avstraliya va Antarktidadan tashqari barcha qit’alarda tarqalgan. O‘zbekistonda 8 turi yashaydi. Ko‘pchiligi yiliga 1 marta 1-7 boladan tug‘adi. Ayrim turlari mo‘ynasi uchun ovlanadi va chorvachilikka ziyon yetkazadi. 15 turi Xalqaro Qizil kitobga kiritilgan.