Urug‘lanish urg‘ochi va erkak gametalar — xromosomalarning gaploid to‘plamiga ega bo‘lgan hujayralarning bir-biriga qo‘shilish jarayonidir. Zigota yadrosida xromosomalarning hammasi yana juft bo‘lib qoladi; har bir juft gomologik xromosomaning bittasi ota, ikkinchisi ona xromosoma bo‘ladi. Demak, urug‘lanish vaqtida organizmlar har bir turning somatik hujayralari uchun xarakterli bo‘lgan xromosomalarning diploid to‘plami tiklanadi. Hayvonlarda urug‘lanish suv bilan bog‘liq bo‘ladi, ko‘pgina suv hayvonlari yoki suvda ham quruqda yashovchilarda urug‘lanish bevosita suv bilan bog‘liq bo‘ladi. Bu hayvonlar ko‘payish davrida juda ko‘p tuxum hujayra va spermatozoidini suvga chiqaradi. Suv orqali spermatozoid tuxum hujayra ichiga kirib uni urug‘lantir.