Ўқув машғулотининг натижасида талабада ҳуқуқ нормаларини шарҳлаш тушунчаси ва турлари, субъектлар бўйича шарҳлаш турлари, расмий ва норасмий шарҳлаш, доктринал шарҳлаш, норматив ва казуал, легал ва муаллифлик шарҳлар турлари, ҳуқуқ нормаларини шарҳлаш усуллари, ҳуқуқ нормаларини ҳажмига кўра шарҳлаш: айнан, кенгайтирилган ва чекланган, ҳуқуқ нормаларини шарҳлаш ҳужжатлари: тушунчаси, хусусияти, турлари тўғрисида тугунчалар шаклланади. Ҳуқуқ нормаларини шарҳлаш деганда нима тушунилади? Ҳуқуқ нормаларини шарҳлаш – бу ҳуқуқ нормаларининг мазмуни, мақсади ва моҳиятини аниқлаш ва тушунтиришга йўналтирилган (қаратилган) фаолият. Шарҳлаш – муайян фаолият, жараён (ақлий-иродавий, ташкилий) бўлиб, у муайян муддатда амалга ошади. У ўз ичига иккита мустақил жиҳатни, яъни англаб олиш (ўзи учун) ва тушунтириш (бошқалар учун)ни қамраб олади.