Dasturlashda ko'pgina masalalar qaysidir ma’noda fayllar va kataloglar bilan bog'liq. Ya’ni, fayldan matnni o'qish yoki aksincha, faylga matnni yozish, faylni yoki butun katalogni o'chirish, matn muharririni yaratish va shunga o'xshash boshqa murakkabroq vazifalarni bajarish kabi turli masalalar bo'lishi mumkin. .NET freymvorki System.IO nomlar fazosida mavjud fayllar va kataloglarni boshqarish va manipulyatsiya qilishni ta'minlaydi. Ushbu nomlar fazosida joylashgan sinflar (masalan, Stream, StreamWriter, FileStream va h.k.) fayldan o’qish/yozishni boshqarish imkonini beradi.