Tillarning boy yoki kambag’al ekanligi nafaqat shu tildagi so’zlarning miqdoriga, balkim so’zlar bildirayotgan ma`nolarning soniga ham bog’liq bo’ladi. Til birliklari monosemantik va polisemantik xususiyatlarga ega. Monosemantik so’zlar faqat bitta ma`noga ega bo’lgan so’zlardir. Masalan, olmosh, ravish, chumchuq kabi so’zlarning ikkinchi ma`nosi yo’q. Ularni o’rganuvchi leksikologiya bo’limiga monosemiya (yunonsha: monos—bir, sema—belgi so’zlaridan olingan) deb ataladi.