“Ilm yo’li” variativ dasturi O‘zbekiston Respublikasi Maktabgacha ta’lim vazirligi tashabbusi bilan ishlab chiqilgan bo‘lib, 6-7 yoshli bolalarni maktab ta’limiga tayyorlashga qaratilgan. Dastur bolaning to‘laqonli rivojlanishi, tarbiyalanishi va o‘qishini ta’minlash, shuningdek, maktabda ta’lim olishga samarali tayyorlashga xizmat qiladi. Dastur maktabgacha ta’lim tashkilotlarida majburiy bir yillik tayyorlov guruhlariga ega bo‘lgan davlat va nodavlat ta’limni, kadrlar tayyorlashni, pedagoglarning malakasini oshirishni qamrab oladi. U jismoniy, shaxsiy (ruhiy), aqliy va maxsus tayyorgarlik sohalarini o‘z ichiga oladi va ishlab chiqilgan xalqaro tajribalar asosida yaratilgan.