Avesto – zardushtiylikning muqaddas kitoblari toʻplami bo‘lib, jahon madaniyatining, xususan Markaziy Osiyo va Eron xalqlari tarixining qadimgi noyob yodgorligidir. Parfiyoncha apastak yoki “Zend-Avesto” nomi bilan ataladigan ushbu asar ifoda uslubi va timsollar tizimi jihatidan adabiy manbalarga yaqin turadi. Avesto matnida tilga olingan joy nomlaridan (Varaxsha, Vaxsh) kelib chiqib, uning Amudaryo sohillarida yaratilgani aniqlangan.