Franklar qirollikdan imperiya sari 7-sinf jahon tarixida. Frank qabilalari Reyn daryosi quyi oqimidagi hududlarda yashaganlar va urug‘chilik tuzumi mavjud bo‘lib, qabila yo‘lboshchilari harbiy ishda jasorat ko‘rsatgan kishilardan saylab qo‘yilgan. Rim-gallar bilan yaqin qo‘shnichilik munosabatlarida bo‘lgan franklarning tashqi ko‘rinishi ham boshqa german qabilalaridan ancha farqlangan. Franklar gotlar va langobardlar kabi hayvon terisidan emas, matodan kiyim-bosh kiyishgan va soch-soqollarini olib yurishgan. Franklarda faqat qirol oilasiga mansub kishilargina uzun soch bilan yurishlari mumkin bo‘lgan.