Osiyo va Onado`li zaminida eng keng tarqalgan tariqatlardan biri Naqshbandiyadir. Uning asoschisi Bahouddin Naqshband. Buxoro yaqinidagi Qasri Orifon qishlog`ida dunyoga kelgan. Naqshbandni yoshligida XOJAGON tariqati shayxlaridan Muhammad Bobo Samosiy ma`naviy farzandlikka qabul qildi. Bir muddat keyin Samosiy uning tarbiyasini Amir Kulolga topshirdi. Shu bilan birga Bahouddin Naqshbandning haqiqiy shayxi “uvaysiylik” yo`li orqali tarbiyalagan Abdulxoliq G`ijduvoniy hisoblanadi. Islom olamida juda katta obro’ e’tiborga ega bo’lgan Naqshbandning hayoti manoqiblarga to’la bo’lib, bugungacha uning hayoti va tariqatini ifodalovchi juda ko’plab asarlar bitilgan.