Tabletkalar nafaqat qattiq dori shakllari balki korxona sharoitida ishlab chiqarishda mavjud bo‘lgan TDVlari orasida ishlab chiqarish ko‘lamining kengligi bilan etakchi hisoblanadi. Bunga sabab tabletkalar tayyorlanish texnologiyasi, qadoqlash, saqlash, qabul qilish va ishlab chiqarish bo‘yicha boshqa dori turlaridan bir qator afzalliklarga ega ekanligidir. Albatta tabletkalarni ishlab chiqarish samaradorligi ularni tayyorlashda ishlatiladigan tabletka mashinalari va ularning ish unumdorligiga bevosita bog‘liq bo‘lib, ularning ishchi qismlari, ishlash mohiyati va ish unumdorligini yanada oshirish yo‘llarini topish mavzuning asosiy maqsadi hisoblanadi.