Mashg‘ulot o‘tkazishdan maqsad tokqaychi pichoqlarining egri shaklda bo‘lishi sabablarini o‘rganish. Mashg‘ulot uchun kerakli jihozlar oddiy mexanik tokqaychi, tig‘lari uzun bo‘lgan ro‘zg‘or qaychisi, transportir, plakat, turli diametrdagi novdalar. Mashg‘ulot o‘tkazish tartibi o‘qituvchi talabalarga qaychi tig‘lari orasida novdani kesish shartini tushuntiradi. Qaychi jag‘lari orasidagi burchak a ma’lum miqdorgacha kamayib borganidan so‘nggina, novda tig‘lar bo‘ylab sirpanishini tugatib, ular orasida siqilib to‘xtaydi. Transportir yordamida a burchagini o‘lchab olish mumkin bo‘ladi.