Kandakorlik san’ati o‘zbek xalqining eng qadimiy va boy hunarmandchilik an’analaridan biridir. Bu san’at turi metallni o‘yib, bezak berish, naqsh solish, kundalik hayotda qo‘llaniladigan buyumlarni nafis shaklda yasash bilan ajralib turadi. O‘zbekiston hududida qadimdan metallga ishlov berish san’ati yuksak darajada bo‘lgan. Zargarlik, temirchilik, qurol yasash, misgarlik kabi sohalar bilan bir qatorda kandakorlik ham xalq hayotining muhim qismi sifatida rivojlangan. Ayniqsa, Buxoro, Samarqand, Xiva va Toshkent maktablari o‘ziga xos uslub va an’analari bilan mashhur bo‘lgan.Sovet davrida ko‘plab milliy hunarmandchilik turlari singari kandakorlik san’ati ham cheklovlarga uchradi.