Бир сатҳли реал чорраҳаларда ҳаракат миқдори ва таркибини йўналишлар бўйича ўрганишИшнинг мақсади. Бир сатҳли шаҳар кўчаси ёки автомобиль йўлидаги чорраҳада ҳаракат миқдори ва таркибини ўрганиш. Назарий қисмАвтомобиль йўлларида чорраҳалар турли сатҳларда кесишиши мумкин. Ривожланган мамлакатларда 6-7 сатҳларда кесишган чорраҳаларни кўришимиз мумкин. Бугун Тошкент шаҳрида 3 сатҳли чорраҳали кесишмалар мавжуд бўлиб, асосан бундай чорраҳаларда транспорт воситалари ҳаракатланишда бир-бирига қисман таъсир қилади. Автомобиль йўлларининг кесишиш ва туташиш жойларида максимал равишда ҳаракат хавфсизлигини таъминлаш зарур. Бу эса уларнинг бир-бирига нисбатан қулай бурчак остида жойлашганига, кесишувчи ёки туташувчи йўллардаги ҳаракат миқдорига, кўриниш масофасига, техник воситалар билан жиҳозланганлик даражасига боғлиқ бўлиб, ҳаракатни ташкил этиш схемасини тузишда шу санаб ўтилган омиллар ҳал қилувчи ўринни эгаллайди. Кесишувчи ёки туташувчи йўллардаги ҳаракат миқдорининг ҳажмига нисбатан улар бир ёки ҳар хил сатҳда жойлаштрилиши мумкин.ШНҚ 2.05.02-07 тавсияларига кўра, автомобил йўлларининг турли сатҳда кесишиши ва туташишини асосан қуйидаги ҳолларда қабул қилиш зарур: Iа даражали йўлларда - барча даражали йўллар билан, Iб ва Iа даражали йўлларда II ва III даражали йўллар билан;III даражали йўлларнинг ўзаро кесишиш жойларида келажакдаги жами ҳаракат миқдори бир суткада (иккала кесишувчи ёки қўшилувчи йўлларда) 8000 енгил автомобилга келтирилган қийматдан ошса.Автомобил йўлларида кўпчилик ҳолларда тартибсиз равишда бир сатҳдаги чорраҳалар ва туташмалар учрайди. Ҳаракатни ташкил этишда биринчи навбатда йўл бўйлаб жойлашган чорраҳаларни (у оддийми, қисман каналлаштирилганми ёки бошқача турдаги бўлишидан қатъий назар) қуйидаги меъёрий кўрсаткичларга келтириш даркор. Iб, IIIа даражали автомобил йўлларида кесишишлар ёки туташишлар сони жуда кам бўлиши керак. Ушбу амалий ишида бир сатҳли чорраҳаларда транспорт воситаларининг ҳаракат миқдорини йўналишлар бўйича ўзгаришини аниқлаш вазифаси берилган, бўлиб бунда ҳар бир йўналишда ҳаракатлараётган транспорт воситаларининг миқдори ва таркибини аниқлаб таҳлил қилиб чиқамиз. 2-расм. Бир сатҳда кесишган чорраҳадаги йўналишлар Топшириқ: Талаба берилган топшириқга асосан бир сатҳли чорраҳадаги транспорт воситаларининг ҳаракат миқдори ва таркибини йўналишлар бўйича сонини аниқлаб таҳлил қилиб графигини ишлаб чиқади