ИҚТИСОДИЁТНИ МОДЕРНИЗАЦИЯЛАШ ШАРОИТИДА ИНВЕСТИЦИЯ СИЁСАТИИқтисодиётда инвестициянинг ролиКапитал қурилишда инвестицион фаолиятИнвестиция лойиҳалари ва инвестиция дастурлари ҳамда уларнинг иқтисодиётни модернизациялашдаги ўрни.Инвестиция дастурини шакллантириш тартиби. Иқтисодиётда инвестициянинг роли Маълумки, дунёдаги ҳар қандай мамлакат муваффақиятли ривожланмоқда ёки аксинча, ривожланиш кўрсаткичлари жуда паст бўлмоқда. Бунинг сабаби эса аввало давлат ҳокимияти олиб бораётган сиёсатдир. Яъни давлат сиёсати - бу мамлакат тараққиёти тактикаси ва стратегиясини тўлиқ акс эттирувчи сиёсат бўлиб, шу сиёсат туфайли ушбу мамлакат дунёнинг бошқа давлатлари томонидан тан олинади ёки эътиборга олинмайди.Давлат иқтисодий, ҳарбий-техник, аграр, саноат, таълим, сиёсат, савдо ва бошқа соҳаларда турли сиёсатлар олиб бориши мумкин. Баъзан бу сиёсатларнинг умумий нуқтаси мавжуд бўлиб, иқтисодий сиёсатда комплекс акс этиди. Шунинг учун иқтисодий сиёсат у ёки бу мамлакатнинг умумий давлат сиёсатида ҳал қилувчи, энг муҳим сиёсат ҳисобланади.Инвестиция сиёсати ҳам мамлакатдаги иқтисодий сиёсатнинг таркибий қисмидир.Ўзбекистонда бу сиёсат шаҳар ва қишлоқларни қайта таъмирлаш ва ободонлаштиришга, янгиларини қуришга, саноат ва халқ хўжалигининг бошқа тармоқларида ишлаб турган корхоналарни кенгайтириш ва техник қайта жиҳозлаш, аҳолининг уй-жойга бўлган эҳтиёжини ва бошқа ижтимоий эҳтиёжларни қондириш, қазилма бойликлар заҳирасини хўжалик айланмасига самарали жалб қилишга, табиатни муҳофаза қилиш ва ҳоказоларга қаратилган.Демак, инвестиция сиёсати - бу давлатнинг ишлаб чиқариш кучларини янада ривожлантиришни, иқтисодиётни модернизациялашга қаратилган сиёсатидир. Бу сиёсат кўп жиҳатдан капитал қўйилмаларнинг устивор йўналишларини тўғри танлашга боғлиқдир. Тўғри танланган инвестиция сиёсати туфайли кимё ва нефть-кимё саноати, машинасозлик ва металларни қайта ишлаш, енгил саноат, озиқ-овқат ва ёғочни қайта ишлаш саноати, электр энергетика ва бошқа тармоқлар ривожланди. Давлатнинг янги инвестиция сиёсатидаги энг муҳим ютуғи шуки, республикада янги тармоқ - миллий автомобилсозлик саноати ташкил қилинди, бир қатор “эски” тармоқ ва ишлаб чиқариш соҳалари янгиланди. 2017 йилдан бошлаб инвестицияларнинг асосий қисми қайта ишлаш тармоқларини ва инфратузилмани ташкил қилишга йўналтирилмоқда. Айни пайтда иқтисодиётни ривожлантиришга йўналтирилаётган инвестицияларнинг абсолют ҳажмлари ортиб бормоқда.