ҚУРИЛИШДА ЛОЙИҲАЛАШТИРИШ ИҚТИСОДИЁТИ ВА УНИ ТАШКИЛ ЭТИЛИШИРежа:1. Қурилишда лойиҳалаштириш мақсади ва вазифалари2. Лойиҳалаш босқичлари ва лойиҳа ҳужжатларининг таркиби3. Лойиҳа ечимлари иқтисодий самарадорлигини баҳолаш4. Лойиҳа ечимлари иқтисодий самарадорлигини оширишнинг асосий йўналишлари Лойиҳа – бу муайян мақсад, ғояга эришиш учун аниқ вазифалар ва тадбирларни бажариш жараёнидир. Лойиҳада сиз эришмоқчи бўлган ишнинг режаси, бюджети, ишлар жадвали, вақт доираси ва бошқа жиҳатлари кўрсатилади. Лойиҳа –қуйидаги кўринишдаги мақсадлар тизими. Қуриладиган иншоотнинг архитектуравий – режавий, конструктив – копановкали ва технологик ечимларининг график материаллари (чизмалари)дир; Иншоот қурилиши техник имкониятлари, конкрет табиий муҳитда бажариладиган ишларнинг ишончлилиги ва хавфсизлигини асословчи ҳисоблаш – тушунтириш матни; Курилиш таннархини аниқлайдиган ва молиявий харажатлар, моддий – техникавий ва меҳнат ресурсларининг иқтисодий жиҳатдан мақсадга мувофиқлигини асослаб берадиган смета–иқтисодий қисм. Қурилишни лойиҳалашнинг асосий мақсади - фан ва техника ютуқларидан фойдаланган ҳолда меҳнат унумдорлигини ошириш, ресурс тежовчи технологияларни жорий этиш, конструктив иншоотларнинг хизмат муддати ва ишончлилигини ошириш учун юқори сифатли лойиҳа-смета ҳужжатлари билан ўз вақтида капитал қурилишни таъминлашдан иборат.Қурилишни лойиҳалаш - капитал қурилишни юқори сифатли лойиҳа-смета ҳужжатлари билан ўз вақтида таъминлаш, ресурс тежовчи технологияларни жорий этиш, конструксия элементларининг хизмат муддати ва ишончлилигини ошириш, қурилиш-монтаж ишлари, шунингдек, фойдаланишга топширилган объектларни ишлатиш жараёнида атроф-муҳитни муҳофаза қилиш даражасини аниқлайди. Ҳар бир қурилиш лойиҳасини тиклашда биринчи навбатда уни қуришнинг техник имкониятлари ва иқтисодий мақсадга мувофиқлиги ҳисобга олинади. Ушбу вазифалар, саволлар ва муаммолар лойиҳа деб номланувчи махсус ҳужжатда акс эттирилган. Ҳар қандай объектни лойиҳалаш одатда бир нечта босқичларда амалга оширилади. Лойиҳалашнинг биринчи босқичида ғоя пайдо бўлгандан сўнг инвестициялаш мақсадлари: объектнинг қандай вазифа бажаришга мўлжалланиши, унинг қуввати, ишлаб чиқариладиган маҳсулотлар номентклатураси, жойлашиш ўрни аниқланади.