Ushbu maqolada aholining tibbiy savodxonlik darajasi o‘rganilib, tibbiy bilimlarni samarali yetkazishda o‘zbek tilining muhim o‘rni ta’kidlanadi. Tibbiy savodxonlik deganda insonlarning kasalliklar, ularning alomatlari, oldini olish usullari hamda sog‘lom turmush tarziga oid asosiy ma’lumotlarni tushunish qobiliyati tushuniladi. Tadqiqot shuni ko‘rsatadiki, ona tilida aniq va sodda tarzda muloqot qilish bemorlarning shifokor tavsiyalari va davolash ko‘rsatmalarini yaxshiroq tushunishiga sezilarli darajada yordam beradi. Sog‘liqni saqlash tizimida o‘zbek tilidan foydalanish shifokor va bemor o‘rtasidagi tushunmovchiliklarni kamaytiradi hamda tibbiy xizmatlarga bo‘lgan ishonchni oshiradi. Umuman olganda, qulay va tushunarli til orqali tibbiy savodxonlikni oshirish jamoat salomatligini mustahkamlash va kasalliklarning oldini olishda muhim ahamiyatga ega.