Etil spirti (etanol)— insoniyat tarixida eng qadimdan ishlatilgan psixoaktiv moddalardan biridir. U oziq-ovqat, tibbiyot, farmatsiya, kimyo sanoati va maishiy sohalarda keng qo‘llanadi. Kimyoviy jihatdan u oddiy monogidrik spirtlar sinfiga mansub bo‘lib, formulasi C₂H₅OH tarzida ifodalanadi. Etanol — tiniq, oson uchuvchan, o‘ziga xos hidli suyuqlik bo‘lib, suv bilan har qanday nisbatda aralashadi.