■ Glikogen, hayvonlarda uglevodning asosiy zaxira shakli, α-1,4 bog‘langan glyukoza qoldiqlari zanjirlaridan iborat bo‘lib, zanjirlarda α-1,6 bog‘lar orqali tutashgan shoxlar mavjud.■ Glikogen glyukozadan sintezlanadi.■ UDF-glyukoza glyukoza fragmentlari bilan ta’minlaydi, glyukoza glikogen sintaza tomonidan glikogen praymerining qaytaruvchi bo‘lmagan oxirlariga qo‘shiladi.■ Shoxlanishlar tarmoqlantiruvchi ferment—glyukozil 4:6 transferaza yordamida hosil bo‘ladi.■ Glikogen degradatsiyasi asosiy mahsulot sifatida glyukoza-1-fosfatni hosil qiladi, ammo erkin glyukoza ham hosil bo‘ladi.■ Glyukoza birliklari glyukoza-1-fosfat hosil qiluvchi glikogen fosforilaza tomonidan glikogen zanjirlarining qaytaruvchi bo‘lmagan uchlaridan ajratiladi.■ Shoxlanish nuqtasidagi to‘rtta glyukoza birligidan uchtasi glyukozil 4:4 transferaza tomonidan boshqa zanjirning qaytaruvchi bo‘lmagan oxiriga ko‘chiriladi.■ Shoxlanish nuqtasida qolgan α-1,6 bog‘langan glyukoza birligi α-1,6-glyukozidaza tomonidan erkin glyukoza sifatida ajratiladi.■ Jigar glikogeni ochlikda yoki jismoniy mashqlar paytida qondagi glyukoza miqdorini saqlab turish uchun ishlatiladi.■ Uning parchalanishi glyukagon va epinefrin tomonidan siklik adenozin monofosfatni (sAMF) o‘z ichiga olgan mexanizm orqali stimullanadi.■ Muskul glikogeni mushaklarning qisqarishi uchun adenozin trifosfat (ATF) hosil qilishga ishlatiladi.■ Epinefrin sAMF orqali mushaklardagi glikogen parchalanishini stimullaydi.